R/Wasaare Saacid “Go’aan kasta oo lagaaro anigoo ka maqan Baarlamanka waa mid kudhisan dhalanteed oo aan sharci aheyn”

December 1, 2013 - Written by admin - Edited byadmin

Wasiirka Koowaad ee DF-ka ayaa goordhaw oo galabta ah soo gaba gabeeyay shir Jaraa’id oo markii ugu horreysay uu uga hadlay khilaafka kala dhaxeeyo Xasan Gurguurte marka laga reebo in Warsaxaafadeedyo uu soo saari jiray.

Saacid Shirdoon wuxuu waxbana kama jiraan kasoo qaaday mooshinka ka dhanka ah xukuumaddiisa ee Baarlamanka DF-ka ah maanta ka doodeen wuxuu ugu baaqay guddoonka baarlamanka in ay ka fogaadaan wax walba oo dhaawici kara wax uu ugu yeeray qaranimada dalka.

Shirkiisa Jaraa’id ayuu kusoo hadal qaaday wixii maanta ka dhacay hoolka shirarka baarlamanka wuxuuna sheegay in ay yihiin nasiib darro lagu baalmarayo sharciga gacan ku sameyska ah ee Mahiga u dajiyay Dowladda Federaalka.

” Si waafaqsan cadaaladda dabiicigaa (Natural Justice) iyo shuruucda dalkaba – waxaa xukuumaddu diyaarisay qoraal waafi ah ee ay uga jawaabayso dhamaan eedaymaha loo soo jeediyay, oo keeni kara qaneecaad iyo kalsooni dhisid buuxda”ayuu yiri Saacid Shirdoon.

Shirdoon marnaba sooma hadal qaadin arrinta Xasan Gurguurte balse wuxuu muujinayay in mooshinka ka dhanka ah xukuumaddiisa uu yahay mid lasoo abaabulay,”Go’aan kasta oo lagaaro anigoo ka maqan Baarlamanka waa mid kudhisan dhalanteed oo aan sharci aheyn”ayuu hadalkiisa sii raaciyay Shirdoon.

Dhawaqa kasoo yeeray R/wasaaraha ayaa umuuqda mid uu isaga yareynayo cadaadis siyaasadeed ee saaran,dadka falanqeeya arrimaha DF-ka ayaa sheegaya in tani tahay rafashadii ugu dambeysay oo uu ku dhaqaaqayo Mas’uul saacadihii ugu dambeeyay ee xilkiisa haya.

Marka loo kuurgalo lacagaha kumanaanka dollar ah ee Karaaniyaasha Xasan Gurguurte ladhax wareegayaan xildhibaanada iyo abaabulka socda waxay u egtahay in Shirdoon uu daaqadda ka baxayo waqti aan dheerayn waxaana lays weydiin doonaa goorma ayay Q.Midoobe iyo Midowga Yurub Eryi doonaan Xasan Sheekh iyagoo ku eedaynaya “Musuq-maasuq iyo wax isdaba marin”,si lamid ah wixii ku dhacay Shariif Sheekh Axmed oo isagoo la nacladayo xilka ka degay.

 

Xigasho : SomaliMeMo.Net